चोपड्यात बापाचा मुलांवर कुऱ्हाडीने हल्ला; १२ वर्षांच्या मुलीचा मृत्यू, मुलगा गंभीर

चोपडा : जळगाव जिल्ह्यातील चोपडा तालुक्यातील वडती गावात एका पित्याने आपल्या दोन अल्पवयीन मुलांवर कुऱ्हाडीने हल्ला केल्याची धक्कादायक घटना घडली आहे. या हल्ल्यात १२ वर्षांच्या मुलीचा जागीच मृत्यू झाला, तर १० वर्षांचा मुलगा गंभीर जखमी झाला असून त्याच्यावर उपजिल्हा रुग्णालयात उपचार सुरू आहेत.

खेळण्यासाठी आलेल्या एका लहान मुलाच्या सतर्कतेमुळे ही घटना उघडकीस आली. घरामध्ये रक्ताच्या थारोळ्यात पडलेल्या मुलांना पाहून गावकऱ्यांनी तातडीने घटनास्थळी धाव घेतली. संशयित आरोपी सुभाष भिल हा काही दिवसांपूर्वीच कारागृहातून बाहेर आला होता. पोलिसांनी शेताच्या परिसरातून त्याला ताब्यात घेतले असून घटनेचा पुढील तपास अडनावद पोलीस व वरिष्ठ अधिकारी करत आहेत. या हृदयद्रावक घटनेमुळे परिसरात तीव्र संताप व हळहळ व्यक्त होत आहे.