शिक्षणाधिकारी मयुरेश मोरे यांनी स्वीकारला पदभार; जिल्हा परिषदेत स्वागत

बीड : जिल्हा परिषद शिक्षण विभागाचे प्रभारी शिक्षणाधिकारी कुवर मॅडम यांच्या ठिकाणी शासनाने नियुक्त केलेले नवनियुक्त शिक्षणाधिकारी मयुरेश मोरे यांनी आज (बुधवार) बीड जिल्हा परिषदेत प्राथमिक शिक्षणाधिकारी पदाचा पदभार स्वीकारला.
पदभार स्वीकारल्यानंतर जिल्हा परिषदेचे मुख्य कार्यकारी अधिकारी जितीन रहमान यांनी त्यांचे स्वागत केले. यावेळी शिक्षणाधिकारी (योजना) डॉ. किरण कुंवर यांचीही उपस्थिती होती. गेल्या काही महिन्यांपासून प्राथमिक शिक्षण विभागाचा अतिरिक्त पदभार योजना शिक्षणाधिकारी यांच्याकडे होता. आता मयुरेश मोरे यांच्या नियुक्तीमुळे प्राथमिक शिक्षण विभागाला कायमस्वरूपी शिक्षणाधिकारी मिळाला आहे. नवीन शिक्षणाधिकारी मोरे यांचे उपशिक्षणाधिकारी भगवान सोनवणे, ऋषिकेश शेळके, कक्ष अधिकारी आनंद खेडकर तसेच इतर अधिकारी व कर्मचार्‍यांनी स्वागत करून पुढील वाटचालीस शुभेच्छा दिल्या.