बिभव कुमारला 5 दिवसांची पोलिस कोठडी

नवी दिल्ली ः दिल्लीचे मुख्यमंत्री अरविंद केजरीवाल यांचे स्वीय सहाय्यक बिभव कुमार यांना आपच्या राज्यसभा खासदार स्वाती मालीवाल यांच्यावर प्राणघातक हल्ला केल्याप्रकरणी 5 दिवसांच्या पोलिस कोठडीत पाठवण्यात आले आहे. शनिवारी सायंकाळी साडेचार वाजता बिभवला अटक करण्यात आली. रात्री उशिरा त्यांना तीस हजारी न्यायालयात हजर करण्यात आले. दिल्ली पोलिसांनी बिभवला 7 दिवसांची कोठडी मागितली होती. दिल्ली पोलिसांच्या वतीने वकील अतुल श्रीवास्तव यांनी बिभवच्या कोठडीबाबत युक्तिवाद केला. बिभवला 23 मे रोजी न्यायालयात हजर केले जाणार आहे.