स्वातंत्र्याच्या अमृत महोत्सवाला बिगर खात्याचे मंत्री झेंडावंदनाला जाणार

नंदुरबार प्रतिनिधी – महाराष्ट्राच्या इतिहासात पहिल्यांदाच 15 ऑगस्टला बिगर खात्यांचे मंत्री झेंडावंदनाला जाणार आहेत, असा खोचक टोला महाराष्ट्राचे माजी महसूल मंत्री व काँग्रेसचे ज्येष्ठ नेते बाळासाहेब थोरात(Balasaheb Thorat) यांनी नवीन मंत्र्यांना लगावला. 9 ऑगस्ट  क्रांती दिनापासून ते 15 ऑगस्ट स्वातंत्र्य दिनापर्यंत संपूर्ण भारतात काँग्रेस पक्षातर्फे आजादी गौरव यात्रेचे आयोजन करण्यात आले आहे. या गौरव यात्रेनिमित्त बाळासाहेब थोरात आज नंदुरबारला आले होते, त्यावेळी त्यांनी पत्रकारांशी संवाद साधला .त्यावेळी ते बोलत होते.