श्रीक्षेत्र नेकनूरमध्ये लोटला जनसागर; 1.5 लाख भाविकांची उपस्थितीसंत बंकटस्वामींच्या 82व्या पुण्यतिथी उत्सवाची थाटात सांगता

नेकनूर : वारकरी संप्रदायातील भक्तीसूर्य संत बंकटस्वामी महाराज यांच्या 82व्या पुण्यतिथी उत्सवाची शनिवारी दुपारी काल्याच्या कीर्तनाने उत्साहात सांगता झाली. या सोहळ्यासाठी महाराष्ट्रभरातून सुमारे 1 ते 1.5 लाख भाविकांनी उपस्थिती लावून श्रीक्षेत्र नेकनूर परिसर भक्तिमय झाला.
सकाळी समाधी अभिषेक करण्यात आला. त्यानंतर सकाळी 11 ते दुपारी 1 या वेळेत ह.भ.प. ज्ञानसिंधू संदीपान महाराज हासेगावकर यांचे सुश्राव्य काल्याचे कीर्तन झाले. कीर्तनात त्यांनी संतश्रेष्ठ तुकाराम महाराजांच्या अभंगावर चिंतन मांडत सांगितले की, वारकरी संप्रदायाच्या प्रचार-प्रसारात संत बंकटस्वामी महाराजांचा सिंहाचा वाटा आहे. अध्यात्मिक जीवनात तत्त्वांशी तडजोड न करता सदाचारी व सद्विचारी समाज घडविणे आवश्यक आहे. या सोहळ्यास अनेक संत-महंत उपस्थित होते. तसेच सामाजिक व राजकीय क्षेत्रातील मान्यवरांमध्ये मराठा संघर्ष योद्धा मनोज जरांगे पाटील, आमदार संदीप क्षीरसागर, अक्षय भैय्या मुंदडा, राजेंद्र मस्के यांच्यासह अनेक मान्यवर उपस्थित होते. य संत बंकटस्वामी संस्थांच्या विकासाला निधी कमी पडू देणार नाही – जयकुमार गोरे  राज्याचे ग्रामविकास मंत्री जयकुमार गोरे यांनी व्हिडिओ संदेशाद्वारे शुभेच्छा देत संस्थानच्या विकासासाठी आवश्यक निधी देण्याचे आश्वासन दिले. य वारकरी संप्रदायावर आलेले संकट आम्ही अंगावर घेऊ – मनोज जरांगे पाटील वारकरी परंपरेचे रक्षण करण्यासाठी आपण कटिबद्ध आहोत, असे त्यांनी स्पष्ट केले. य सर्व पक्ष एकत्र येऊन विकास साधणार – आमदार संदीप क्षीरसागर  राजकीय मतभेद बाजूला ठेवून सर्वांनी एकत्र येऊन संस्थेच्या विकासासाठी काम करू, असे त्यांनी सांगितले. य संस्थांच्या विकासासाठी आम्ही सदैव प्रयत्नशील – अक्षय भैय्या मुंदडा तीर्थक्षेत्र विकास व पर्यटन विभागातून निधी उपलब्ध करून देण्याचा शब्द त्यांनी दिला. सप्ताहात 110 पोते साखर, 70 क्विंटल डाळ, 47 टाक्या तेल, 1000 पोते मुरमुरे वापरून महाप्रसाद तयार सुमारे 1 ते 1.5 लाख भाविकांनी प्रसादाचा लाभ घेतला 1000 महिलांनी महापंगतीत सेवा बजावली तरुण मंडळांनी पार्किंग, पाणी, स्वच्छता व सुरक्षा व्यवस्थेची जबाबदारी सांभाळली काल्याच्या अभंगानंतर दहीहंडी फोडून महाप्रसाद वाटप करण्यात आले. नेकनूरमधील महिला गट व तरुण मंडळांनी उत्कृष्ट नियोजन करून उत्सव यशस्वी केला.