कोकणात जाणार्‍या गाड्यांचे 100 टक्के आरक्षण

मुंबई : नाताळ आणि नववर्ष साजरा करण्यासाठी मुंबईकर कोकण, गोव्याला जायला सज्ज झाले असून कोकणात जाणार्‍या वंदे भारतसह इतर सर्व नियमित रेल्वेगाड्यांचे तिकीट आरक्षण 100 टक्क्यांच्या पुढे गेले आहे. डिसेंबर महिना सुरू होताच मुंबईकरांचे नाताळ आणि नववर्ष गोव्याच्या किनारी साजरा करण्यासाठीचे नियोजन सुरू होते. यंदाही, कोकणात जाणार्‍या नियमित रेल्वेगाड्यांचे तिकीट आरक्षण करण्यास, नागरिकांची धावपळ सुरू आहे.