खडकवासलातून 22 हजार क्युसेक पाण्याचा विसर्ग

पुणे ः पुणे शहर व परिसरात पावसाचा जोर वाढल्याने खडकवासला धरणाच्या पाणी पातळीत वाढ झाली आहे. त्यामुळे खडकवासला धरणाच्या सांडव्यावरुन मुठा नदीपात्रात होणारा विर्सग सोमवारी सकाळी 22 हजार 880 क्युसेक करण्यात आला. पावसाच्या प्रमाणानुसार व येव्यानुसार हा विर्सग कमी-जास्त करण्यात येणार आहे. त्यामुळे नागरिकांनी नदीपात्रात उतरु नये, असे आवाहन कालवा पाटबंधारे उपविभागाने केले आहे. अतिपर्जन्यमानामुळे पानशेत धरणाच्या सांडव्यावरुन होणारा विर्सग 15 हजार 136 क्युसेक करण्यात आला.