जायकवाडी धरणाचे 18 दरवाजे उघडले

छ. संभाजीनगर ः जायकवाडी धरणाचे 27 पैकी 18 दरवाजे आजपासून 3 फुट वर करून तब्बल 56 हजार 542 क्युसेक्स पाण्याचा विसर्ग सुरू करण्यात आला आहे. गोदावरी नदीच्या पात्रातून हा औघ नांदेडपर्यंत झेपावला आहे. जलसंपदा विभागाने गोदावरी नदीच्या काठावर असलेल्या गावांना सतर्कतेचा इशारा दिला आहे. धरणाचे दरवाजे दुसर्‍यांदा उघडण्यात आले. नगर व नाशिक भागातील धरणातून येणार्‍या पाण्याची आवक वाढतच चालली असल्याने गुरुवारी जायकवाडी धरणाच्या विसर्गात वाढ करण्यात आली.