नाशिकमध्ये पुन्हा हरिहर किल्ल्यावर पर्यटकांवर हल्ला

नाशिक : हरिहर किल्ल्यावरून परतणाऱ्या पर्यटकांच्या वाहनाला अडवून मारहाण आणि दगडफेक केल्याची धक्कादायक घटना समोर आली आहे. त्र्यंबकेश्वर-घोटी मार्गावरील बोरीची वाडी परिसरात हा प्रकार घडल्याची माहिती आहे. मोटरसायकलला कट मारल्याच्या कारणावरून झालेल्या वादानंतर पर्यटकांच्या वाहनाचा पाठलाग केल्याचा आरोप आहे. त्यानंतर वावी हर्ष परिसरात गाडी अडवून चालक आणि प्रवाशांना काठी तसेच चापटीने मारहाण करण्यात आल्याची फिर्याद आहे. या प्रकरणी १० जणांविरुद्ध घोटी पोलीस ठाण्यात गुन्हा दाखल करण्यात आला आहे.