सुषमा अंधारे म्हणजे तीन महिन्यांचं बाळ

जळगाव प्रतिनिधी – शिवसेनेच्या फायर ब्रँड नेत्या सुषमा अंधारे( Susama andhare) आज जळगाव जिल्हा दौऱ्यावर आहेत. आज त्यांची पहिलीच सभा मंत्री गुलाबराव पाटील(Gulabrao Patil) यांचं होमटाऊन असलेल्या धरणगाव शहरात होत आहे. यावरुन मंत्री गुलाबराव पाटील यांनी सुषमा अंधारे यांच्यावर टीका केली आहे. ते म्हणाले, सुषमा अंधारे तीन महिन्यापूर्वीच पक्षात आल्या असून त्या तीन महिन्यांचं बाळ आहेत. या बाईने बाळासाहेब ठाकरे, उद्धव ठाकरे तसेच आदित्य ठाकरे यांच्यावर चिखलफेक केलेली आहे. तसेच हिंदू देवतांवर त्या काय काय बोलल्या आहेत, त्याच्याही क्लिप दाखवाव्यात. आम्ही आमच्यावर केलेल्या टीका सहन करणार नाही, असा इशारा गुलाबरावांनी अंधारेंना दिला आहे.