जेट एअरवेजचे संस्थापक नरेश गोयल यांना जामीन

मुंबई ः मुंबई उच्च न्यायालयाने सोमवारी जेट एअरवेजचे संस्थापक नरेश गोयल यांना वैद्यकीय कारणास्तव दोन महिन्यांचा अंतरिम जामीन मंजूर केला. त्याला एक लाख रुपयांचा बाँड भरावा लागणार असून ते मुंबईबाहेर जाऊ शकणार नाहीत. गोयल यांना अंमलबजावणी संचालनालयाने (ईडी) सप्टेंबरमध्ये मनी लाँड्रिंग प्रकरणात अटक केली होती. गोयल यांनी वैद्यकीय आणि मानवतावादी कारणे सांगून अंतरिम जामीन मागितला होता. त्यांना आणि त्यांची पत्नी अनिता गोयल या दोघांनाही कर्करोग आहे. 3 मे रोजी झालेल्या सुनावणीत मुंबई उच्च न्यायालयाने निर्णय राखून ठेवला होता. त्यानंतर न्यायालयाने त्यांना जामीन मंजूर केला.