बीडमध्ये श्रीकृष्ण गुरुकुलचे संस्थापक अध्यक्ष गणेश काळे यांचा वाढदिवस उत्साहात साजरा; मान्यवरांची उपस्थिती

बीड : श्रीकृष्ण गुरुकुलचे संस्थापक अध्यक्ष गणेश काळे यांच्या वाढदिवसानिमित्त विविध क्षेत्रांतील मान्यवरांनी प्रत्यक्ष भेट घेऊन त्यांना शुभेच्छा दिल्या. त्यांच्या सामाजिक आणि शैक्षणिक क्षेत्रातील कार्याचा गौरव करत उपस्थितांनी त्यांना निरोगी दीर्घायुष्य लाभो, अशी कामना केली.

या सोहळ्याप्रसंगी उद्योजक सुनील अनगुले, ‘लेक लाडकी’ अभियानाचे बाजीराव ढाकणे, ग्राम साधन व्यक्ती रज्जाक शेख, ग्रामपंचायत अधिकारी अशोक पौळ, दीपक अनगुले, कृष्णा लोखंडे आणि कृष्णा अनगुले आदी मान्यवर प्रामुख्याने उपस्थित होते. गणेश काळे यांनी श्रीकृष्ण गुरुकुलच्या माध्यमातून शैक्षणिक क्षेत्रात उभे केलेले कार्य कौतुकास्पद असून, आगामी काळात त्यांच्या हातून असेच समाजोपयोगी कार्य घडावे, अशा भावना मान्यवरांनी यावेळी व्यक्त केल्या.