नऊ वर्षानंतर इस्रो मंगळयान-2 च्या तयारीत

चांद्रयान-3 च्या यशानंतर भारतीय अंतराळ संशोधन संस्था म्हणजेच इस्रोकडून सर्वांच्या अपेक्षा वाढल्या आहेत. इस्रो दिवसेंदिवस नवनवे शिखर गाठत आहे. इस्रो पुन्हा एकदा मंगळावर दुसरे अंतराळ यान पाठवण्याची तयारीतआहे. इस्रो लवकरच मंगळयान-2 हे आपले दुसरे यान मंगळावर पाठवणार आहे. 9 वर्षांपूर्वी भारताने इतिहास रचला होता. 2014 मध्ये पहिल्याच प्रयत्नात मंगळावर पोहोचला होता. त्यानंतर इस्रोने पहिले मंगळयान मंगळावर पाठवले.

मार्स ऑर्बिटर मिशन-2 म्हणजेच मंगळयान-2 लाल ग्रहावर चार पेलोड घेऊन जाणार आहे. मंगळयान-2 मोहीम मंगळाच्या विविध पैलूंचा अभ्यास करणार असल्याची माहिती देण्यात आली आहे. यामध्ये आंतरग्रहीय धूळ आणि मंगळावरील वातावरण आणि पर्यावरण यांचा समावेश आहे. समोर आलेल्या अहवालानुसार, मंगळयान-2 मार्स ऑर्बिट डस्ट एक्सपेरिमेंट एक रेडिओ ऑकल्टेशन प्रयोग, एक ऊर्जावान आयन स्पेक्ट्रोमीटर आणि लँगमुइर प्रोब आणि इलेक्ट्रिक फील्ड प्रयोग घेऊन जाईल. मंगळयान-2 मुळे इस्रो मंगळावरील उच्च उंचीवरील धुळीचे मूळ, विपुलता, वितरण आणि प्रवाह समजून घेण्यास मदत करेल. तटस्थ आणि इलेक्ट्रॉन घनता प्रोफाइल मोजण्यासाठी आरओ प्रयोग विकसित केला जात आहे. हे इन्स्ट्रुमेंट मूलत: एक्स-बँड फ्रिक्वेंसीवर चालणारे मायक्रोवेव्ह ट्रान्समीटर असून यामुळे मंगळाच्या वातावरणाचे वर्तन समजण्यास मदत करू शकते, अशी माहिती देण्यात आली आहे.