अमिताभ आणि अनुष्कावर पोलिसांकडून कारवाई

मुंबई : अभिनेते अमिताभ बच्चन आणि अभिनेत्री अनुष्का शर्मा मागील दोन दिवसांपासून चांगलेच चर्चेत आले आहेत. अनोळखी व्यक्तींबरोबर केलेल्या बाइक राइडवरून दोघांनी सर्वांचे लक्ष वेधले. मात्र हिच बाइक राइड अनुष्का आणि बिग बी यांना चांगलीच महागात पडली आहे. सोशल मीडियावर दोघांचे व्हिडीओ आणि फोटो व्हायरल झाल्यानंतर अनेकांना यावर नाराजी व्यक्त करत तक्रार केली. त्यानंतर आता मुंबई पोलिसांनी या प्रकरणावर लक्ष घालून बिग बी आणि अनुष्का शर्मावर कारवाई केली आहे. दोघांनी विना हेल्मेट प्रवास केल्याने ही कारवाई करण्यात आली आहे.