बुलढाणा प्रतिनिधी - शेजारच्या कपडा दुकानात काम करणाऱ्या युवकासह मालकाला दुसऱ्या दुकान चालकाने मारहाण केल्याची घटना मेन रोडवरील शिव कलेक्शन(Shiva Co
बुलढाणा प्रतिनिधी – शेजारच्या कपडा दुकानात काम करणाऱ्या युवकासह मालकाला दुसऱ्या दुकान चालकाने मारहाण केल्याची घटना मेन रोडवरील शिव कलेक्शन(Shiva Collection) मध्ये घडली असून संपूर्ण घटना CCTV मधे कैद झाली आहे. खामगाव शहरातील मेन रोड वरील शिव कलेक्शन दुकानात काम करणारा आशिष मिलिंद वानखडे (१८) याला शेजारच्या कपडा दुकानचे हाफीज बुराणी याने ‘तु माझ्या दुकानात काम कर मी तुला जास्त पगार देतो’ असे म्हटले. यावेळी आशिषने नकार दिला असता बुरानी व अविनाश या दोघांनी आशिषला मारहाण करून जखमी केले. दुकान मालक सागर धनोकार हा समजावण्यासाठी गेला असता त्यास वरील दोघांनी मारहाण केली तसेच शिवीगाळ करुन जीवे मारण्याची धमकी दिली. या तक्रारीवरुन पोलिसांनी हाफीज बुरानी व अविनाश या दोघांविरुध्द गुन्हा दाखल केला आहे.
COMMENTS