पुण्यात सलग तिसर्‍या दिवशी एका तरूणाची हत्या

पुणे ः पुण्यात सुरू असलेल्या हत्येचे सत्र शनिवारी तिसर्‍या दिवशी देखील सुरूच आहे. पुणे शहरातील कोंढवा परिसरात एका तरुणाची निर्घृण हत्या करण्यात आली आहे. या धक्कादायक घटनेने परिसरात एकच खळबळ उडाली आहे. एका तरुणाचा खून करण्यात आल्याचे उघडकीस आले आहे. या हत्या झालेल्या तरुणाची ओळख अद्याप पटलेली नाही. याप्रकरणी कोंढवा पोलीस ठाण्यात याप्रकरणी गुन्हा दाखल करण्याचे काम सुरू आहे. समोर आलेल्या माहितीनुसार कोंढवा परिसरातील संत गाडगेबाबा शाळेसमोर पारशी मैदानात एका अनोळखी इसमाच्या डोक्यात दगड घालून हत्या केल्याचे समोर आले. आज पहाटेच्या सुमारास ही घटना घडल्याचे सांगण्यात आहे. पोलीस या प्रकरणाचा अधिक तपास करत आहेत.