मराठमोळा अजित आगरकर बनला BCCI च्या निवड समितीचा अध्यक्ष

अजित आगरकर आता टीम इंडियाचे नवनियुक्त मुख्य निवडकर्ता आहेत. अजित आगरकर हा वनडे फॉरमॅटमधील स्पेशालिस्ट खेळाडू आहे. 2007 मध्ये टी-20 विश्वचषक जिंकणाऱ्या संघाचाही तो भाग होता. त्याचबरोबर त्याने कसोटी क्रिकेटमध्येही अनेक संस्मरणीय कामगिरी केली आहे. अजित आगरकरच्या नावावर कसोटी क्रिकेटमध्ये असा विक्रम आहे जो सचिन तेंडुलकर, रिकी पॉन्टिंगसारखे दिग्गज आजपर्यंत मोडू शकलेले नाहीत. एक भारतीय फलंदाज म्हणून, एकदिवसीय क्रिकेटमध्ये सर्वात जलद अर्धशतक झळकावण्याचा विक्रम आगरकरच्या नावावर आहे. त्याने 25 जुलै 2002 रोजी लॉर्ड्स क्रिकेट ग्राउंडवर इंग्लंडविरुद्ध कसोटी क्रिकेटमध्ये शतक झळकावले. जे आज क्रिकेटचा देव म्हटला जाणारा सचिन तेंडुलकर करू शकला नाही. अजित आगरकरच्या नावावर एकदिवसीय सामन्यांमध्ये सर्वात कमी 200 बळी आणि 1000 धावा करण्याचा विक्रम आहे. त्याने शॉन पोलॉकचा 138 सामन्यांचा विक्रम मोडला