पत्रकारांना आता दरमहा 20 हजार रुपये मिळणार पेन्शन

मुंबई : राज्य शासनाने आचार्य बाळशास्त्री जांभेकर ज्येष्ठ पत्रकार सन्मान योजनेतील सन्माननिधी दरमहा 11 हजार रुपयांवरून वाढवून 20 हजार रुपये करण्याचा निर्णय यापूर्वीच घेतला होता. मात्र, त्यासंदर्भातील शासन निर्णय शुक्रवारी काढण्यात आला आहे. त्यामुळे पत्रकारांना २० हजार रुपये पेन्शन मिळण्याचा मार्ग मोकळा झाला आहे. शासनाने आजपासून संबंधित लाभार्थी पत्रकारांना वाढीव सन्माननिधी प्रत्यक्ष अदा करण्यास सुरुवात केली आहे. यानुसार, आता पात्र ज्येष्ठ पत्रकारांना दरमहा 20 हजार रुपये सन्माननिधी प्राप्त होणार आहे. यामुळे राज्यभरातील ज्येष्ठ पत्रकारांमध्ये समाधान व्यक्त केले जात आहे.