ध्रुव ग्लोबलच्या जलतरणपटूंची विभागीय स्पर्धेसाठी निवड

संगमनेर ः अहमदनगर जिल्हा जलतरण संघटनेने आयोजित केलेल्या जिल्हास्तरीय जलतरण स्पर्धेत संगमनेरच्या ध्रुव ग्लोबल स्कूलच्या स्पर्धकांनी उत्कृष्ट प्रदर्शन करताना पदकांची लयलुट केली. वेगवेगळ्या अंतर व प्रकाराच्या या स्पर्धेत ध्रुवने प्रत्येकी सात सुवर्ण व नऊ कांस्यपदकांसह एकूण 23 पदकांची कमाई करताना विभागीय स्पर्धेची कवाडेही उघडली. लोणीच्या सैनिकी स्कूलमध्ये पार पडलेल्या या स्पर्धेत ‘ध्रुव’चा बोलबाला बघायला मिळाला. ध्रुव ग्लोबल स्कूलचे चेअरमन डॉ.संजय मालपाणी, व्हा.चेअरमन गिरीश मालपाणी व प्राचार्या अर्चना घोरपडे यांनी विजयी स्पर्धकांचे अभिनंदन केले आहे.