नंदुरबार जिल्ह्यात टायरच्या स्फोटात तरूणाचा मृत्यू

नंदुरबार : नंदुरबार जिल्ह्यातील तळोदा शहराजवळ बुधवारी सकाळी एक अतिशय दुर्दैवी आणि हृदय पिळवटून टाकणारी घटना घडली. बायपास रोडवर उभ्या असलेल्या ट्रकच्या टायरची हवा तपासत असताना अचानक टायरचा भीषण स्फोट झाला आणि त्यात चालकाचा जागीच मृत्यू झाला. या घटनेमुळे परिसरात खळबळ उडाली. 37 वर्षीय सानेश्‍वर दिलीप मिस्तरी असे मृत्यू झालेल्या चालकाचं नाव आहे. त्यांनी सिमेंट वाहतूक करणारा ट्रक घेऊन गुजरातहून आणला होता. ट्रक रिकामा करण्यापूर्वी त्यांनी नेहमीप्रमाणे टायरची तपासणी सुरू केली होती. मात्र, याच वेळी अचानक टायरचा जोरदार स्फोट झाला.