नाशिक रेल्वे स्थानकावर बर्निंग रेल्वेचा थरार

नाशिक प्रतिनिधी – नाशिक(Nashik) मध्ये हावडा मेलच्या बोगीला आग लागल्याची घटना समोर आली आहे. नाशिकरोड  रेल्वे स्थानकावरील मालधक्क्याजवळ हावडा मेलच्या बोगीला अचानक आग लागली आहे. आगीचे कारण अद्याप अस्पष्ट आहे. या घटनेमुळे स्टेशन परिसरात गोंधळ उडाला आहे. घटनेची माहिती मिळताच अग्निशमन दलाचे तीन बंब घटनास्थळी दाखल झाले असून आग विझवण्याचे काम सुरू आहे. अचानक आग लागल्याने रेल्वे स्थानकावरील प्रवाशांमध्ये घबराट निर्माण झाली. बोगीला आग लागल्यामुळे स्थानकावर धुराचे लोट पाहण्यास मिळत आहे. दरम्यान, या घटनेत कुठलीही जीवितहानी झालेली नाही सर्व प्रवासी सुखरूप असल्याची माहिती समोर येत आहे.