पंतजलीने थांबवली 14 उत्पादनांची विक्री

नवी दिल्ली ः जाहिरातीमध्ये अवास्तव दावा करून आपल्या उत्पादनाची विक्री करणार्‍या पंतजली आयुर्वेद लिमिटेडविरोधात सर्वोच्च न्यायालयात सुनावणी सुरू आहे. मंगळवारी झालेल्या सुनावणीत पंतजलीने आपल्या 14 उत्पादनांची विक्री थांबवल्याची माहिती दिली आहे. एप्रिल महिन्यात उत्तराखंड सरकारने या उत्पादनांचे उत्पादन परवाने निलंबित केले होते. कंपनीने न्यायमूर्ती हिमा कोहली आणि संदीप मेहता यांच्या खंडपीठाला सांगितले की, परवाना रद्द केल्यानंतर 5 हजार 606 फ्रँचायझी स्टोअरना 14 उत्पादने परत घेण्याचे निर्देश देण्यात आले आहेत. याशिवाय मीडिया प्लॅटफॉर्मवरून उत्पादनांच्या जाहिराती मागे घेण्याच्या सूचनाही देण्यात आल्या आहेत. खंडपीठाने पतंजली आयुर्वेद लिमिटेडला दोन आठवड्यांत प्रतिज्ञापत्र दाखल करण्याचे निर्देश दिले आहेत. यामध्ये कंपनीला सांगायचे आहे की सोशल मीडिया समन्वयकांनी या उत्पादनांच्या जाहिराती काढून टाकण्याची त्यांची विनंती मान्य केली आहे की नाही आणि त्यांनी जाहिराती मागे घेतल्या आहेत. या प्रकरणाची पुढील सुनावणी आता 30 जुलै रोजी होणार आहे. खरे तर, 14 मे रोजी सर्वोच्च न्यायालयाने पतंजली आयुर्वेदला 14 उत्पादनांच्या परवान्यांबद्दल विचारले होते जे रद्द करण्यात आले आहेत. त्यांच्या जाहिराती मागे घेण्यासाठी काय पावले उचलली आहेत. कोर्टाने पतंजलीला प्रतिज्ञापत्र दाखल करण्यासाठी 3 आठवड्यांची मुदत दिली होती. पतंजली विरुद्ध इंडियन मेडिकल असोसिएशनच्या याचिकेवर सर्वोच्च न्यायालयात सुनावणी सुरू आहे, ज्यामध्ये पतंजलीवर कोविड लसीकरण आणि लोपॅथी उपचारांविरुद्ध बदनामी मोहीम चालवल्याचा आरोप करण्यात आला आहे. उत्तराखंड राज्य परवाना प्राधिकरणाने एप्रिलमध्ये सर्वोच्च न्यायालयात सांगितले होते की पतंजली आयुर्वेद लिमिटेड आणि दिव्या फार्मसीच्या 14 उत्पादनांचे परवाने निलंबित करण्यात आले आहेत. दिशाभूल करणार्‍या जाहिरातीप्रकरणी योगगुरू रामदेव, त्यांचे सहकारी बाळकृष्ण आणि पतंजली आयुर्वेद लिमिटेड यांना जारी करण्यात आलेल्या अवमान नोटीसवर सर्वोच्च न्यायालयाने 14 मे रोजी आपला आदेश राखून ठेवला होता.

पुढील सुनावणी होणार 30 जुलैला – सर्वोच्च न्यायालयाने या प्रकरणाची पुढील सुनावणी 30 जुलै रोजी निश्‍चित केली आहे. सुप्रीम कोर्ट इंडियन मेडिकल असोसिएशनने दाखल केलेल्या याचिकेवर सुनावणी करत आहे, ज्यामध्ये पतंजलीवर कोविड लसीकरण मोहीम आणि आधुनिक वैद्यकीय प्रणालींविरुद्ध प्रचार मोहीम चालवल्याचा आरोप आहे. उत्तराखंड राज्य परवाना प्राधिकरणाने न्यायालयाला सांगितले होते की पतंजली आयुर्वेद लिमिटेड आणि दिव्या फार्मसीच्या 14 उत्पादनांचे उत्पादन परवाने त्वरित निलंबित करण्यात आले आहेत.