‘जगेल तर तुझ्यासोबत नाहीतर तुलाही जिवंत ठेवणार नाही’

औरंगाबाद प्रतिनिधी – लग्न करणार तर तुझ्यासोबत नाहीतर तुलाही जिवंत राहू देणार नाही आणि मी राहणार नाही, असं म्हणत औरंगाबादमध्ये एका तरुणाने स्वत:ला पेटवून घेत प्रेयसीला मिठी मारली होती. गंभीर जखमी झालेल्या या तरुणाचा उपचारादरम्यान मृत्यू झाला आहे. डॉ. बाबासाहेब आंबेडकर मराठवाडा विद्यापीठाच्या परिसरात शासकीय विद्यालयामध्ये पीएचडी शिक्षण घेणाऱ्या गजानन मुंडे या तरुणाने स्वतःला जाळून आपल्या प्रेयसीला मिठी मारली होती. त्यामध्ये गजानन मुंडे हा 95% जळाला होता. त्याचा रात्री उपचारादरम्यान बारा वाजता मृत्यू झाला आहे.   तर तरुणीवर अजूनही उपचार सुरु आहेत.