डॉक्टर प्रेयसीवर सर्जिकल ब्लेडने हल्ला

छ. संभाजीनगर ः मध्यवर्ती बसस्थानकाच्या परिसरातील एका लॉजवर डॉक्टर प्रेयसी आणि टेक्निशियन प्रियकर गेले असतांना तेथे दोघांमध्ये खटके उडाले. एक महिन्यापासून तू दुसर्‍या मुलाबरोबर बोलतेस’ असे म्हणत प्रियकराने तिच्या मानेवर, हाताच्या बोटावर सर्जिकल ब्लेडने वार केले. त्यानंतर स्वत:च्या गळ्यावर तीन वार करून आत्महत्येचा प्रयत्न केल्याची घडली. दोघांनाही जवळच्या एका खासगी रुग्णालयात आयसीयूमध्ये दाखल करण्यात आले असून दोघांची प्रकृती धोक्याच्या बाहेर आहे, अशी माहिती क्रांती चौक पोलिसांनी दिली. निखिल दादाराव यादव (25, रा. गजानन मंदिराजवळ, मूळ रा. जालना) असे आरोपीचे नाव आहे.