श्रीरामपूर :तालुक्यातील मातुलठाण येथील धीरज संपतराव बोर्डे यांनी नगर नियोजन व पायाभूत सुविधा क्षेत्रातील अग्रगण्य संस्था 'सिडको' तर्फे घेण्यात आल
श्रीरामपूर :तालुक्यातील मातुलठाण येथील धीरज संपतराव बोर्डे यांनी नगर नियोजन व पायाभूत सुविधा क्षेत्रातील अग्रगण्य संस्था ‘सिडको’ तर्फे घेण्यात आलेल्या सहाय्यक अभियंता (स्थापत्य) या संवर्गातील परीक्षेत राज्यात १४ वे स्थान मिळवून घवघवीत यश मिळविले. सिडकोच्या निवड परीक्षेत यश संपादन करणारे धीरज बोर्डे हे तालुक्यातील पहिलेच मानकरी ठरले आहेत.
धीरज संपतराव बोर्डे यांनी यापूर्वी महाराष्ट्र राज्य लोकसेवा आयोगाच्या परीक्षेतही घवघवीत यश संपादन केले होते. सध्या ते धुळे येथे जलसंपदा विभागात सहाय्यक अभियंता पदावर कार्यरत आहेत.आता त्यांनी सिडकोच्या परीक्षेतही घवघवीत यश मिळविले असून त्यांची सहाय्यक अभियंता (स्थापत्य)या पदावर नियुक्ती होणार आहे. यशाबद्दल बाळासाहेब खंडागळे, सुधाकर खंडागळे, भास्कर खंडागळे,एन. जी. खंडागळे,एन. जी. खंडागळे,नानासाहेब जोंधळे,अमोल देशमुख,अमोल बोर्डे,देवेंद्र बोर्डे आदींनी अभिनंदन केले आहे.
COMMENTS