रामटेक तालुक्यात सांड नदीमध्ये एक तरुण वाहून गेला

नागपूर प्रतिनिधी – नागपूरमधूनही सध्या अशीच एक धक्कादायक घटना समोर आली आहे. नागपूर जिल्ह्यातील रामटेक तालुक्यात सांड नदीमध्ये एक तरुण वाहून गेला आहे. संजय नागपूरे असं या व्यक्तीचं नाव होतं. हा तरुण पुलावरुन पायी निघाला होता. मात्र पाण्याचा प्रवाह जास्त असल्याने पायी रस्ता ओलांडताना तो प्रवाहासोबत वाहून गेला. संजय ला वाचवण्यासाठी एक तरुण मदतीला धावला. मात्र प्रवाह जास्त असल्याने तोही पाण्यासोबत वाहत जाऊ लागला. परंतु, पोहता येत असल्याने त्याने कसा तरी आपला जीव वाचवला. मात्र, संजयला वाचवण्यात तो अपयशी ठरला. सध्या संजयचा कोणताही पत्ता नसून स्थानिक आपल्या स्तरावर त्याचा शोध घेत आहे.