नवी मुंबईतील तुर्भे एमआयडीसी परिसरात आग

मुंबई ः नवी मुंबईच्या तुर्भे एमआयडीसी परिसरात असलेल्या एका फर्निचर बनवणार्‍या कारखान्याला मंगळवारी (ता.27) दुपारी 12 वाजेच्या सुमारास अचानक आग लागली. आग लागल्याचे कळताच कारखान्यातील कामगारांनी बाहेर धाव घेतली. बघता-बघता आगीने रौद्ररुप धारण केले. त्यामुळे परिसरात मोठा गोंधळ उडाला. आगीची माहिती मिळताच अग्निशमन दलाचे 4 बंब घटनास्थळी दाखल झाले. कारखान्यात लाकडी सामान असल्याने मोठ्या प्रमाणात धुराचे लोट उठले होते. अग्निशमन दलाच्या जवानांनी अथक प्रयत्नानंतर आग आटोक्यात आणली. सुदैवाने या घटनेत कुठलीही जीवितहानी झाली नाही.