पवित्र हज यात्रेकरूंसाठी तीन दिवसीय मोफत हिजामा शिबिर

बीड प्रतिनिधी – शहरातील बशीरगंज ते जिल्हा रुग्णालय रस्त्यावर न्यू सुंदर मेडिकल शेजारी असलेले युनिक नॅचरोपॅथी अँड कपिंग थेरपी क्लिनिक मध्ये दिनांक 17 ते 19 जून शनिवार ते सोमवार असे तीन दिवसीय मोफत हिजामा (सुन्नत मधील दोन महत्त्वाचे पॉईंट) शिबिराचे आयोजन करण्यात आले आहे. हज यात्रेकरूंनी याचा लाभ घ्यावा असे आवाहन डॉ. शेख एजाज यांनी केले आहे.
इस्लाम धर्मातील सर्वात पवित्र अशी हज यात्रा सुरू झाली असून इस्लाम धर्मातील एक फर्ज असलेले हज करण्यासाठी इस्लाम धर्माचे अनेक नशीबवान अनुयायी जाणार आहेत. या यात्रेपूर्वी इस्लाम धर्माचे अंतिम पैगंबर मुहम्मद मुस्तफा सल्ललाहु अलैही व सल्लम सुद्धा हिजामा करत होते. ही बाब लक्षात घेऊन सध्या हजला जाणारे अनेक हज यात्रेकरूंसाठी डॉ. शेख एजाज यांनी याच हिजामा कपिंग थेरपी चे मोफत आयोजन केलेले आहे. तीन दिवसीय मोफत हिजामा कपिंग थेरपी शिबीर दिनांक 17 ते 19 जून शनिवार ते सोमवार पर्यंत ठेवण्यात आलेले आहे. याचा लाभ हज यात्रेकरूंनी मोठ्या प्रमाणात घ्यावा असे आवाहन डॉ. शेख एजाज कपिंग थेरपीस्ट यांनी केले आहे.