अब्दुल सत्तार निजामाच्या प्रवृत्तीचे ; अंबादास दानवे

औरंगाबाद प्रतिनिधी  –  राज्याचे कृषिमंत्री अब्दुल सत्तार यांनी काल सुप्रिया सुळे यांच्या विरोधात केलेल्या वक्तव्याचे पडसाद राज्यभर उमटत आहेत. सत्तारांच्या विधानाची राष्ट्रीय महिला आयोगाने तात्काळ दखल घ्यावी अशी मागणी विधान परिषदेचे विरोधी पक्षनेते आमदार अंबादास दानवे यांनी केली . तसेच अब्दुल सत्तार आणि सुसंस्कृतपणा यांचे काही देणे घेणे नाही सत्तार हे नेहमी निजामच्या प्रवृत्तीनेच बोलत असतात त्यामुळे त्यांच्याकडून यापेक्षा जास्त अपेक्षा काय ठेवणार ? असा प्रश्न दानवेंनी उपस्थित केला. अशा प्रवृत्तींच्याना  समाजाने घरी बसवले पाहिजे असे देखील दानवे म्हणाले.