पतंजली योगपीठात 83 जणांना कोरोनाची लागण

हरिद्वार : उत्तराखंड येथील योगगुरू बाबा रामदेव यांच्या पतंजली योगपीठातील 83 जणांना कोरोनाची लागण झाली आहे. या सर्वांना विलगीकरणात ठेवण्यात आले आहे. तसेच बाबा रामदेव यांच्यासह इतरांचीही कोरोना चाचणी होणार आहे. हरिद्वारचे सीएमओ डॉक्टर शंभू झा यांनी यासंदर्भातील माहिती दिली. 

पतंजली योगपीठ आचार्यकुलम आणि योग ग्राममध्ये 83 जणांना कोरोनाची लागण झाल्याचे आढळून आले आहे. या सर्वांना योगपीठाच्या परिसरातच विलगीकरणात ठेवण्यात आले आहे. गरज भासल्यास बाबा रामदेव यांचीही कोरोना चाचणी करण्यात येईल, असे डॉक्टर शंभू झा यांनी सांगितले. तसेच ऋषिकेशमधील अखिल भारतीय आयुर्विज्ञान संस्थानमधील ओपीडी बंद करण्यात आली आहे. कोरोनाचा प्रादुर्भाव वाढल्यामुळे ओपीडी काही दिवसांसाठी बंद करण्याचा निर्णय घेण्यात आला आहे.