तगड्या रेंजसह स्कोडाची ‘ही’ इलेक्ट्रिक कार लवकरच लॉन्च.

वाहन निर्माता कंपनी स्कोडा (Skoda) सतत नवीन कार्सवर काम करत आहे, ज्या अंतर्गत कंपनीने आपली पहिली कॉन्सेप्ट कार व्हिजन 7S चे अनावरण केले आहे. कंपनीने या कारला पूर्णपणे नवीन डिझाइन दिले आहे. मॅट बॉडी कलर असलेली ही कार इलेक्ट्रिक संकल्पनेतील आपल्या प्रकारची पहिली आहे. कंपनीच्या म्हणण्यानुसार, जागतिक मानकांवर केलेल्या चाचणीनुसार ही कार प्रति चार्ज 600 किमीची रेंज देण्यास सक्षम आहे.

हे आहेत स्कोडाचे फ्युचर प्लॅन– स्कोडा 2026 पर्यंत तीन नवीन सर्व-इलेक्ट्रिक कार लॉन्च करणार आहे. यासोबतच कंपनी आपल्या ICE वाहनांची श्रेणी देखील वाढवत आहे. ज्या अंतर्गत कंपनी पुढच्या वर्षी Superb आणि Kodiaq सारख्या कार लॉन्च करणार आहे. यानंतर, नवीन ऑक्टाव्हिया देखील 2024 मध्ये लॉन्च होईल.