आयशर कंटेनरची एकमेकांना धडक; एकाचा मृत्यू

इगतपुरी प्रतिनिधी–  मुंबई-आग्रा महामार्गावर पुन्हा एक भीषण अपघात झाला.या अपघातामध्ये एक जण ठार झाला असून एक गंभीर जखमी झाला.आयशर टेम्पोने कंटेरनला जोरदार धडक दिल्यानं हा भीषण अपघात घडला. विशेष म्हणजे या अपघातानंतर अपघातग्रस्त आयशर टेम्पोमध्ये दोघे अडकून पडले होते. त्या दोघांचीही दोन तासांच्या प्रयत्नानंतर आयशर टेम्पोतून सुटका करण्यात आली. यातील गंभीर जखमी रुग्णाला इगतपुरी ग्रामीण रुग्णालयात उपचारासाठी दाखल करण्यात आलं. तर बाहेर काढण्यात आलेल्या आणखी एकाचा आधीच मृत्यू झाला होता .