चोपड्यात प्रेम संबंधातून दोघांची हत्या.

जळगाव प्रतिनिधी- जळगाव(Jalgaon) दुहेरी हत्याकांडाने  हादरले आहे. जळगावच्या चोपडामध्ये एका मुलाला गोळी मारुन ठार मारण्यात आलं. तर मुलीची गळा दाबून हत्या करण्यात आली. प्रेमप्रकरणातून  दुहेरी हत्याकांडाचे प्रकरण उघडकीस आल्यानंतर परिसरात एकच खळबळ उडाली आहे. चोपडा शहराजवळ असलेल्या जुना वराड शिवारात दोघांचे मृतदेह आढळून आल्यानंतर हे धक्कादायक प्रकरण समोर आलं. राकेश संजय राजपूत(Rakesh Sanjay Rajput) असं गोळी घालून हत्या कऱण्यात आलेल्या मुलाचं नाव आहे, तर वर्षा समाधान कोळी असं मुलीचं नाव आहे. या हत्याकांड प्रकरणी पोलिसांना दोघा संशयितांना ताब्यात घेतले. तर इतर दोन संशयित आरोपींचा शोध सुरु आहे,असे एडिशनल एसपी चाळीसगाव विभाग रमेश चोपडे यांनी सांगितले.