नीट (NEET) परीक्षेतील कथित अनियमिततेविरोधात नागपुरात आज कॉक्रोच जनता पार्टीचे आंदोलन

नागपूर : वैद्यकीय प्रवेशासाठी घेण्यात आलेल्या राष्ट्रीय पात्रता व प्रवेश परीक्षेत (NEET) झालेल्या कथित अनियमिततेच्या निषेधार्थ नागपुरातील संविधान चौक येथे सोमवारी आंदोलनाचे आयोजन करण्यात आले आहे.

हे आंदोलन ‘कॉक्रोच जनता पार्टी’च्या वतीने आयोजित करण्यात आले असून पक्षाचे संस्थापक अभिजीत दीपके यांच्या नेतृत्वाखाली ते पार पडणार आहे. या आंदोलनात परीक्षेत झालेल्या कथित गैरप्रकारामुळे बाधित झाल्याचा दावा करणारे विद्यार्थी आणि त्यांचे पालक मोठ्या संख्येने सहभागी होणार आहेत.