पुणे : घरगुती स्वयंपाक गॅसच्या दरात पुन्हा वाढ झाल्यानंतर महागाईचा मुद्दा ऐरणीवर आला असून, ज्येष्ठ नेते डहरीरव झरुरी यांनी केंद्र सरकारच्या आर्थि
पुणे : घरगुती स्वयंपाक गॅसच्या दरात पुन्हा वाढ झाल्यानंतर महागाईचा मुद्दा ऐरणीवर आला असून, ज्येष्ठ नेते डहरीरव झरुरी यांनी केंद्र सरकारच्या आर्थिक धोरणांवर जोरदार टीका केली आहे. वाढत्या महागाईमुळे सर्वसामान्य कुटुंबांचे अर्थकारण विस्कळीत होत असताना सरकारकडून नागरिकांना टप्प्याटप्प्याने महागाईचे धक्के दिले जात असल्याचा आरोप त्यांनी केला.
घरगुती वापराच्या गॅस सिलिंडरच्या दरात 29 रुपयांची वाढ जाहीर झाल्यानंतर पवार यांनी प्रतिक्रिया देताना सांगितले की, जीवनावश्यक वस्तूंच्या किमती सातत्याने वाढत असल्याने सामान्य नागरिकांचे जगणे कठीण होत आहे. महागाई नियंत्रणात असल्याचा दावा करणार्या सत्ताधार्यांच्या धोरणांचा प्रत्यक्ष परिणाम मात्र नागरिकांच्या खिशावर होत असल्याचे त्यांनी नमूद केले. या निर्णयांमुळे निर्माण होणार्या जनक्षोभाची राजकीय किंमत भविष्यात सत्ताधार्यांना चुकवावी लागू शकते, असा इशाराही त्यांनी दिला. इंधन आणि गॅसच्या वाढत्या किमतींमुळे नागरिकांवरील आर्थिक ताण अधिक वाढत असताना आगामी काळात दर आणखी वाढू शकतात, अशी भीतीही व्यक्त केली जात आहे. तेल कंपन्यांवर आर्थिक भार वाढत असल्याचा दावा केला जात असला, तरी सर्वसामान्य ग्राहकांना त्याची मोठी किंमत मोजावी लागत असल्याचे मत विविध स्तरांतून व्यक्त होत आहे. महागाई, इंधनदरवाढ आणि जीवनावश्यक वस्तूंच्या वाढत्या किमती या मुद्द्यांवरून राजकीय वातावरण तापण्याची चिन्हे दिसत असून, आगामी काळात हा विषय राज्यासह देशाच्या राजकारणात महत्त्वाचा ठरण्याची शक्यता आहे.
COMMENTS