राजधानीत कनिष्ठ न्यायाधीशाची आत्महत्या

नवी दिल्ली : दिल्लीतील कडकडडूमा लोअर कोर्टात कार्यरत असलेले न्यायिक अधिकारी अमन कुमार शर्मा यांचा संशयास्पद परिस्थितीत मृत्यू झाला. पोलीस आणि माध्यमांना दिलेल्या निवेदनात त्यांच्या एका नातेवाईकाने सांगितले की, त्यांनी पत्नीच्या ओढणीने गळफास घेऊन आत्महत्या केली आहे.30 वर्षीय अमन नॉर्थ-ईस्ट जिल्ह्यातील कडकडडूमा कोर्टात डिस्ट्रिक्ट लीगल सर्विसेज अथॉरिटीचे पूर्णवेळ सचिव म्हणून कार्यरत होते. अमन यांनी 19 जून 2021 रोजी दिल्ली न्यायिक सेवा जॉइन केली होती. त्यांची पत्नी स्वाती देखील एक न्यायिक अधिकारी आहे.