भावठाण्यात भारतरत्न डॉ. बाबासाहेब आंबेडकर जयंतीनिमित्त भव्य रक्तदान शिबिर; 33 जणांचे रक्तदान

मौजे भावठाणा, ता. अंबाजोगाई, जि. बीड येथे डॉ. बाबासाहेब आंबेडकर यांच्या जयंतीनिमित्त भव्य रक्तदान शिबिराचे आयोजन करण्यात आले होते. या शिबिराला ग्रामस्थांचा उत्स्फूर्त प्रतिसाद मिळाला असून एकूण 33 रक्तदात्यांनी रक्तदान करून सामाजिक बांधिलकीची जाणीव जपली.
या उपक्रमाचे आयोजन स्थानिक भीम जयंती उत्सव समितीच्या वतीने करण्यात आले होते. शिबिरासाठी वैद्यकीय पथकाची विशेष व्यवस्था करण्यात आली होती. उपस्थित डॉक्टर व आरोग्य कर्मचार्‍यांनी रक्तदात्यांची तपासणी करून सुरक्षित पद्धतीने रक्त संकलन केले. रक्तदान हे सर्वोत्तम दान मानले जाते, या भावनेतून युवकांनी मोठ्या उत्साहाने सहभाग नोंदवला. अनेक प्रथमच रक्तदान करणार्‍यांनीही पुढाकार घेत समाजाप्रती आपली जबाबदारी पार पाडली. कार्यक्रमाच्या यशस्वीतेसाठी आयोजकांनी परिश्रम घेतले. या उपक्रमामुळे परिसरात सामाजिक ऐक्य व जनजागृतीला चालना मिळाली असून ग्रामस्थांकडून या उपक्रमाचे कौतुक करण्यात येत आहे.