चंदीगड भाजप कार्यालयाबाहेर स्फोट

चंदीगड : चंदीगडमध्ये पंजाब भाजपच्या कार्यालयाबाहेर बुधवारी स्फोट झाला आहे. यामुळे पोलिसांनी संपूर्ण परिसर सील करून तपास सुरू केला. घटनास्थळी चंदीगड पोलिसांची अनेक पथके पोहोचली आहेत. चंदीगडच्या एसएसपी कंवरदीप कौर यांनी सांगितले की, पंजाब प्रदेश भाजप कार्यालयाबाहेर सायंकाळी सुमारे 5 वाजता स्फोट झाला. एक अ‍ॅक्टिव्हा दिसत आहे. स्फोटानंतर पक्षाच्या कार्यालयाच्या भिंतीवर सुमारे 70 ते 80 छर्रे लागल्यासारख्या खुणा आहेत. त्यांनी सांगितले की, जवळ उभ्या असलेल्या एका गाडीची काचही फुटली आहे. प्रकरणाचा पूर्ण तपास केला जात आहे. संपूर्ण परिसर पोलिसांनी ताब्यात घेतला आहे.