शिवशाही बसच्या अपघातात एकाचा मृत्यू

अमरावती ः अमरावती-नागपूर महामार्गावर एसटी महामंडळाच्या शिवशाही बसचा भीषण अपघात झाला आहे. या अपघातात एका प्रवाशाचा मृत्यू झाला आहे. तर 25 प्रवासी जखमी झाले आहेत. मिळालेल्या माहितीनुसार, गायीला वाचवण्याच्या प्रयत्नात बस उलटल्याची घटना घडली आहे. बसचालकाने सांगितले की, मी नागपूरहून अकोल्याकडे बस घेऊन जात होतो. त्यावेळी अचानक एक गाय महामार्गावर धावत आली. बसवर नियंत्रण मिळवण्याचा मी प्रयत्न केला, पण माझी गाडी उलटली. गाडीचा अपघात झाला.