अश्‍लील चॅटिंग प्रकरणी भाजप आमदाराविरूद्ध गुन्हा

नवी दिल्ली ः हिमाचलमधील चुरा विधानसभा मतदारसंघातील भाजप आमदार हंसराज यांच्यावर बूथ अध्यक्षांच्या मुलीने अश्‍लील चॅट केल्याचा आरोप केला आहे. चंबा पोलिस ठाण्यात तक्रार दिल्यानंतर महिला पोलिस ठाण्यात आमदार हंसराज यांच्याविरोधात गुन्हा दाखल करण्यात आला आहे.मुलीने पोलिसांना दिलेल्या जबाबात म्हटले आहे की, आमदाराने अश्‍लील चॅट केली आणि माझ्याकडून न्यूड फोटो मागितले. मी आमदारांना त्यांची कामे करण्यास सांगितले होते. त्यावर आमदार म्हणाले की, मला भेटून मी सांगेन ते करावे लागेल. त्यांच्यासोबत राहणार्‍या कर्मचार्‍यांनी मला चॅट डिलीट करण्याची धमकी दिली.