विद्यार्थ्यांना होणार मोफत शालेय साहित्य वाटप

कर्जत प्रतिनिधी

माजी आमदार डॉ. कुमार सप्तर्षी यांच्या वाढदिवसानिमित्त ‘कर्जत लाईव्ह’च्या वतीने घेण्यात आलेल्या तालुकास्तरीय वक्तृत्व स्पर्धेचे बक्षीस वितरण व कुळधरण ग्रामविकास संघटनेच्या माध्यमातून विद्यार्थ्यांना शालेय साहित्याचे वाटप करण्यात येणार आहे. १२ ऑक्टोबर रोजी दुपारी १२.३० वाजता कुळधरणच्या श्री जगदंबा मंदिरासमोर डीवायएसपी अण्णासाहेब जाधव व पोलीस निरीक्षक चंद्रशेखर यादव यांच्या हस्ते हे वितरण होणार आहे. अध्यक्षस्थानी दत्तात्रय सुपेकर हे राहणार आहेत.

वक्तृत्व स्पर्धेतील विजेते : प्रथम : प्रियंका विनोद नरसाळे, न्यू इंग्लिश स्कुल, अळसुंदे, द्वितीय : आस्था शिवाजी काळे, डायनॅमिक इंग्लिश स्कूल, कर्जत, तृतीय : मसिरा जाकिर सय्यद, श्री अमरनाथ विद्यालय, कर्जत, उत्तेजनार्थ : संकेत रवींद्र निंबाळकर, श्री रविशंकर विद्यामंदिर, कर्जत.

यावेळी भैरवनाथ कळसकर व रमेश तोरडमल यांच्या वतीने स्व. बायनाबाई कळसकर व स्व. पारूबाई तोरडमल यांच्या स्मरणार्थ कुळधरण, सुपेकरवाडी, चिंचेचे लवण, बोरीचे लवण, गुंडवारे वस्ती, गुंड वस्ती या प्राथमिक शाळेतील सर्व विद्यार्थ्यांना शालेय साहित्य व फराळ वाटप करण्यात येणार आहे.