कट मारल्याच्या कारणावरून एकाच्या खुनाचा प्रयत्न

अहमदनगर/प्रतिनिधी- कट मारल्याच्या कारणावरून नऊ जणांच्या जमावाने एकास लोखंडी गज, लाकडी दांडके व लाथाबुक्क्यांनी मारहाण करून त्याच्या खुनाचा प्रयत्न केला. ही घटना कामरगाव ता. नगर येथे घडली.

याबाबतची अधिक माहिती अशी की जितेंद्र पंजाब भोसले (वय30, राहणार कामरगाव, तालुका नगर) हा घरी असताना पंकज भोसले हा त्याच्या घरी गेला व त्याला घरा मागे नेऊन, तू माझा मुलगा सागर याला कट का मारला, असे म्हणून लोखंडी गजाने मारहाण केली. यावेळी सोनाली भोसले व पंकज भोसले यांनी दांडक्याने मारहाण केली व अन्य साथीदारांनी लाथाबुक्क्यांनी मारहाण करीत आमच्या नादाला लागलास तर ठार मारून टाकू अशी धमकी दिल्याचे फिर्यादीत म्हटले आहे. याप्रकरणी नगर तालुका पोलिसांनी जितेंद्र भोसले यांच्या फिर्यादीवरून भादवि कलम 307, 143, 147, 148, 149, 34, 504, 506  प्रमाणे खुनाच्या प्रयत्नाच्या गुन्ह्याची नोंद केली. अधिक तपास पोलीस उपनिरीक्षक रितेश राऊत करीत आहेत.