आंतरराष्ट्रीय बाजारात कच्च्या तेलाच्या किमती भडकल्या

नवी दिल्ली : आंतरराष्ट्रीय बाजारात कच्च्या तेलाच्या किमतीत पुन्हा बदल झालेला दिसत आहे. गुरुवार म्हणजे 2 मार्च रोजी कच्च्या तेलाच्या किमतीत वाढ झाली आहे. मात्र, यानंतरही बर्‍याच काळापासून भारतात पेट्रोल आणि डिझेलच्या दरात कोणताही बदल झालेला नाही. 21 मे 2022 पासून राष्ट्रीय पातळीवर पेट्रोल आणि डिझेलच्या दरात कोणताही बदल झालेला नाही. गेल्या वर्षी विक्रमी पातळीवर पोहोचलेल्या महागड्या पेट्रोल-डिझेलपासून सर्वसामान्यांना दिलासा देत केंद्र सरकारने पेट्रोल आणि डिझेलवरील उत्पादन शुल्कात कपात केली होती. त्यानंतर भारतात तेलाच्या किमतीत कोणताही बदल झालेला नाही.