वॉर्ड क्रमांक 25 मध्ये ‘एसआयआर मॅपिंग’ नोंदणी व पडताळणी शिबिराचे आयोजन11 व 12 जुलै रोजी ओम नमो सदन येथे शिबिर; नागरिकांनी कुटुंबियांसह उपस्थित राहावे – अ‍ॅड. गोविंदा शिराळे पाटील

लोकशाही प्रक्रियेत प्रत्येक पात्र नागरिकाचा सहभाग सुनिश्चित करण्यासाठी आणि आगामी निवडणुकांच्या पार्श्वभूमीवर मतदार यादी अचूक व अद्ययावत ठेवण्याच्या उद्देशाने बीड शहरातील वॉर्ड क्रमांक 25 मध्ये ‘एसआयआर  मॅपिंग’ नोंदणी व पडताळणी शिबिराचे आयोजन करण्यात आले आहे.
हे विशेष शिबिर शनिवार, दि. 11 जुलै आणि रविवार, दि. 12 जुलै रोजी सकाळी 11.30 ते सायंकाळी 4.00 वाजेपर्यंत अ‍ॅड. गोविंदा भैया शिराळे पाटील यांच्या जनसंपर्क कार्यालयात, ओम नमो सदन, जिजाऊ नगर, रेणू हॉस्पिटलसमोर, बार्शी रोड, बीड येथे होणार आहे. यावेळी वॉर्डातील सर्व नागरिकांनी आपल्या कुटुंबियांसह शिबिरात सहभागी होऊन मतदार नोंदणी, पडताळणी तसेच आवश्यक दुरुस्तीची प्रक्रिया पूर्ण करावी, असे आवाहन भाजपा नगरसेवक अ‍ॅड. गोविंदा भैया शिराळे पाटील यांनी केले आहे. नागरिकांच्या सोयीसाठी शिबिरस्थळी अधिकृत बीएलओ (एसआयआर) अधिकारी तसेच बूथस्तरीय कार्यकर्ते दिवसभर उपस्थित राहणार असून, मतदार नोंदणी व पडताळणीची प्रक्रिया सुलभ आणि जलद पद्धतीने पार पाडली जाणार आहे. शिबिराला येताना नागरिकांनी आधार कार्ड, जुने मतदार ओळखपत्र, पत्त्याचा पुरावा तसेच आवश्यक इतर कागदपत्रे सोबत आणावीत. त्यामुळे जागेवरच पडताळणी व नोंदणीची प्रक्रिया कोणत्याही अडचणीशिवाय पूर्ण करता येणार आहे. मतदार यादीतील नाव अचूक असणे ही प्रत्येक नागरिकाची जबाबदारी आहे. वॉर्ड क्रमांक 25 मधील जास्तीत जास्त नागरिकांनी या शिबिराचा लाभ घेऊन आपली नोंदणी पूर्ण करावी आणि लोकशाही बळकट करण्यासाठी राष्ट्रीय कर्तव्यात सक्रिय सहभाग नोंदवावा, असे आवाहन अ‍ॅड. गोविंदा भैया शिराळे पाटील यांनी केले आहे.