वाढत्या बेरोजगारी, गरीबीवर ‘आर‌एस‌एस’चा प्रहार!

देशातील गरिबी, बेरोजगारी आणि वाढती असमानता या मुद्द्यांवर बोलतानाच उद्योजकतेसाठी एक मजबूत वातावरण तयार करण्याची गरज असल्याचे सांगत नोकरी शोधणारेच रोजगार देणारे बनतील, अशी परिस्थिती निर्माण करावी लागेल, असे प्रतिपादन आर‌एस‌एस चे महासचिव दत्तात्रय होसबळे यांनी केले..“देशातील गरिबी आपल्यासमोर राक्षसासारखी उभी आहे. आपण या राक्षसाचा वध करणे महत्त्वाचे आहे. २० कोटी लोक अजूनही दारिद्र्यरेषेखाली आहेत. हा आकडा आपल्याला खूप दुःखी करायला हवा. तब्बल २३ कोटी लोकांचे रोजचे उत्पन्न ३७५ रुपयांपेक्षा कमी आहे. देशात चार कोटी बेरोजगार आहेत. कामगार दलाच्या सर्वेक्षणानुसार आमचा बेरोजगारीचा दर ७.६% आहे,” असे आरएसएसचे सरचिटणीस दत्तात्रेय होसाबळे म्हणाले. स्वावलंबी भारत अभियानाचा एक भाग म्हणून आर‌एस‌एस-संबद्ध स्वदेशी जागरण मंचने आयोजित केलेल्या वेबिनार दरम्यान ते बोलत होते.. होसाबळे म्हणाले की, आणखी एक प्रमुख मुद्दा म्हणजे वाढती आर्थिक विषमता. “एक आकडेवारी सांगते की भारत जगातील पहिल्या सहा अर्थव्यवस्थांमध्ये आहे. पण ही परिस्थिती चांगली आहे का? भारताच्या शीर्ष १ टक्के लोकसंख्येकडे देशाच्या उत्पन्नाचा एक पंचमांश म्हणजे वीस टक्के हिस्सा आहे. त्याच वेळी, देशाच्या ५० टक्के लोकसंख्येकडे देशाच्या उत्पन्नाच्या केवळ १३% हिस्सा आहे,” असेही ते म्हणाले.भारत जोडो यात्रेवर निघालेले काँग्रेस नेते राहुल गांधी बेरोजगारीचे प्रश्न उपस्थित करत असतानाच हे वक्तव्य आले आहे. त्यांच्या संवादात चलनवाढ आणि आर्थिक असमानता, हे विषय येत आहेत, संसदेसह, राहुल अनेकदा “दोन भारत” असल्याचे बोलतात. त्यापैकी एक दिवसेंदिवस श्रीमंत होत चालला आहे आणि दुसरा दारिद्र्यरेषेखाली ढकलला जात आहे. गरिबी आणि विकासावर संयुक्त राष्ट्रांच्या निरीक्षणांचा हवाला देत होसाबळे म्हणाले: “देशाच्या मोठ्या भागाला अजूनही शुद्ध पाणी आणि पौष्टिक अन्न उपलब्ध नाही. गृहकलह आणि शिक्षणाचा खालावलेला स्तर हे देखील गरिबीचे कारण आहे. गृहकलह आणि शिक्षणाचा खालावलेला स्तर हे देखील गरिबीचे कारण आहे. म्हणूनच नवीन शैक्षणिक धोरण आणले गेले आहे. अगदी हवामान बदल हे गरिबीचे कारण आहे. काही ठिकाणी सरकारची अकार्यक्षमता हे गरिबीचे कारण आहे.” होसाबळे यांच्या म्हणण्यानुसार, फक्त शहरांमध्ये नोकऱ्या असतील या कल्पनेने गावे रिकामी झाली आणि शहरी जीवन नरकात बदलले.“कोविड दरम्यान आम्ही शिकलो की स्थानिक गरजांनुसार आणि स्थानिक प्रतिभा वापरून ग्रामीण स्तरावर नोकऱ्या निर्माण करण्याची शक्यता आहे. त्यामुळेच स्वावलंबी भारत अभियान सुरू करण्यात आले. आपल्याला केवळ अखिल भारतीय स्तरावरील योजनांची गरज नाही, तर स्थानिक योजनांचीही गरज आहे. ते कृषी, कौशल्य विकास, विपणन इत्यादी क्षेत्रात करता येते.कुटिरोद्योगाचे पुनरुज्जीवन आपण करू शकतो. त्याचप्रमाणे वैद्यकीय क्षेत्रात स्थानिक पातळीवर भरपूर आयुर्वेदिक औषधे तयार करता येतील.आम्हाला स्वयंरोजगार आणि उद्योजकतेमध्ये स्वारस्य असलेले लोक शोधण्याची गरज आहे,” होसाबळे म्हणाले.ही चळवळ यशस्वी करण्यासाठी काही गटांनी स्थानिक पातळीवर काय साध्य करता येईल, यावर संशोधन करण्याची गरज आहे, असेही ते म्हणाले.ते म्हणाले की, आधुनिक आर्थिक धोरणांमुळे देश गमावत असलेल्या स्थानिक प्रतिभेला पाठिंबा देणे आणि त्यांचे पुनरुज्जीवन करणे महत्त्वाचे आहे. “विद्यार्थी महाविद्यालयानंतर नोकरी पाहत राहिले तर… इतक्यात नोकऱ्या निर्माण होऊ शकत नाहीत. त्यामुळे नोकरी शोधणाऱ्यांना नोकरी पुरवठादार होण्यासाठी प्रोत्साहन देण्याची गरज आहे.उद्योजकतेसाठी वातावरण निर्माण केले पाहिजे. समाजाने हे समजून घेणे आवश्यक आहे की सर्व काम महत्वाचे आहे आणि समान सन्मान मिळणे आवश्यक आहे.