काँग्रेसचे खासदार शशी थरूर यांनी याबाबत भाष्य करताना एलपीजीच्या तुटवड्याचे गंभीर परिणाम होऊ शकतात, असे सांगितले. थरूर म्हणाले की, पेट्रोलियम मंत्
काँग्रेसचे खासदार शशी थरूर यांनी याबाबत भाष्य करताना एलपीजीच्या तुटवड्याचे गंभीर परिणाम होऊ शकतात, असे सांगितले. थरूर म्हणाले की, पेट्रोलियम मंत्र्यांनी अलीकडेच देशात पेट्रोल, डिझेल आणि रॉकेलचा पुरेसा पुरवठा असल्याचे स्पष्ट केले आहे. मात्र, एलपीजीच्या बाबतीत वेगळे चित्र दिसत आहे. काही भागांत सिलिंडर सहज उपलब्ध नसल्याच्या तक्रारी येत असून त्यामुळे नागरिकांना अडचणींचा सामना करावा लागत आहे. त्यांच्या मते, गेल्या काही वर्षांत ग्रामीण भागातील मोठ्या प्रमाणावर कुटुंबांनी लाकूड आणि कोळशावर आधारित स्वयंपाक पद्धती सोडून एलपीजीकडे वळण्यास सुरुवात केली आहे. त्यामुळे स्वयंपाकासाठी एलपीजीवर अवलंबित्व वाढले आहे. अशा परिस्थितीत सिलिंडरचा पुरवठा खंडित झाला तर ग्रामीण आणि निम्न उत्पन्न गटातील कुटुंबांसाठी ही मोठी समस्या ठरू शकते.
COMMENTS