कान्हेगावच्या उपसरपंचपदी काळे गटाचे वाळूंज  

कोपरगाव : तालुक्यातील कान्हेगाव ग्रामपंचायतीचे विद्यमान उपसरपंच दीपक चौधरी यांनी रोटेशननुसार आपल्या पदाचा राजीनामा दिल्यामुळे रिक्त झालेल्या उपसरपंचपदी काळे गटाचे अमोल विठ्ठलराव वाळूंज यांची बिनविरोध निवड करण्यात आली.
कान्हेगाव ग्रामपंचायतीच्या रिक्त असलेल्या उपसरपंच पदासाठीची निवडणूक प्रक्रिया नुकतीच सरपंच गणेश सोनवणे यांच्या अध्यक्षतेखाली पार पडली. यावेळी उपसरपंचपदासाठी निर्धारित वेळेत अमोल वाळूंज यांचा एकमेव अर्ज प्राप्त झाल्यामुळे निवडणूक अधिकारी म्हणून काम पाहत असलेले ग्रामसेवक प्रकाश जाधव यांनी अमोल वाळूंज यांची बिनविरोध निवड झाल्याचे जाहीर केले.
 यावेळी सरपंच, सर्व सदस्य व काळे गटाच्या कार्यकर्त्यांनी नवनिर्वाचित उपसरपंच अमोल वाळूंज यांचा सत्कार करून त्यांना शुभेच्छा दिल्या. याप्रसंगी सरपंच गणेश सोनवणे, मावळते उपसरपंच दिपक चौधरी, ग्रा.प.सदस्य संध्या सांगळे, चित्र भाकरे, मालन मगर, जयश्री बाळासाहेब पवार, नंदकुमार आव्हाड, प्रदीप हिवराठे, विशाल पांडव, बबन सांगळे, लक्ष्मण चौधरी, देवचंद कढेकर, दत्तात्रय वाळुंज, संतोष वाळुंज, संदीप वाळुंज, बबन वाळुंज, शरद सांगळे, दत्तात्रय मगर, प्रभाकर भाकरे, अशोक काजळे, संदीप काजळे आदी मान्यवरांसह काळे गटाचे कार्यकर्ते व कान्हेगावचे ग्रामस्थ मोठ्या संख्येने उपस्थित होते.
नवनिर्वाचित उपसरपंच अमोल वाळूंज यांचे माजी आ. अशोकराव काळे व आ. आशुतोष काळे यांनी अभिनंदन केले. उपसरपंचपदावर काम करण्याची संधी दिल्याबद्दल वाळूंज यांनी आ. काळे यांचे आभार मानले. ज्या विश्वासाने माझ्यावर उपसरपंचपदाची जबाबदारी सोपविली त्या विश्वासाला तडा जावू न देता सरपंच, सर्व सदस्य यांच्या सहकार्यातून कान्हेगाव ग्रामस्थांना अपेक्षित असलेला विकास करून दाखवू असे वचन दिले.