भोंग्यासंदर्भात एकत्रित धोरण ठरवा

Homeताज्या बातम्यामहाराष्ट्र

भोंग्यासंदर्भात एकत्रित धोरण ठरवा

गृहमंत्री दिलीप वळसे पाटील यांचे पोलिसांना आदेश

मुंबई/प्रतिनिधी : राज्यात महाराष्ट्र नवनिर्माण सेनेचे अध्यक्ष राज ठाकरे यांनी मशीदीवरील भोंगे हटवा नाहीतर 3 मे नंतर परिणामांना सामौरे जाण्यास तयार रा

किरीट सोमय्या यांचा व्हायरल व्हिडिओ खरा
खळबळजनक ! सख्ख्या भावाने लहान बहिणीवर केला अत्याचार.
मतदानाच्या दिवशी दिव्यांग मतदारांसाठी धावणार बस

मुंबई/प्रतिनिधी : राज्यात महाराष्ट्र नवनिर्माण सेनेचे अध्यक्ष राज ठाकरे यांनी मशीदीवरील भोंगे हटवा नाहीतर 3 मे नंतर परिणामांना सामौरे जाण्यास तयार राहा, असा इशाराच दिल्यामुळे, राज्यात अशांतता निर्माण होऊ नये, यासाठी राज्य सरकारकडून पावले उचलण्यात आली असून, पोलिस महासंचालक आणि मुंबई पोलिस आयुक्त यांनी भोंग्यासंदर्भात एकत्रित धोरण ठरवा, असे आदेशच गृहमंत्री दिलीप वळसे पाटील यांनी दिले आहे. जातीय तेढ निर्माण केल्यास कठोर कारवाई करावी असेही आदेश त्यांनी दिले आहेत.
राज्याचे पोलीस महासंचालक आणि मुंबईचे पोलीस आयुक्त एकत्रित बसून एक निर्णय घेणार घेतील, गाईडलाईन्स तयार करतील अशी माहिती गृहमंत्र्यांनी दिली. पुढे ते म्हणाले की, एक दोन दिवसात राज्यासाठी एकत्रित असे धोरण ठरवले जाईल. मुंबईसह राज्यासाठी नोटीफिकेशन काढले जाईल आणि त्यातून नियमावली जाहीर करण्यात येईल. मी अनेकदा सांगितले आहे की, जातीय तेढ निर्माण करण्याचा प्रयत्न करु नये. जाणीवपूर्वक कोणाकडून प्रयत्न झाला तर आणि त्याच्यात तो दोषी आढळला तर त्याच्यावर कारवाई केली जाईल मग ती संघटना असो, व्यक्ती असो किंवा आणखी कोणीही असो, असेही दिलीप वळसे पाटील यांनी सांगितले.
मनसे अध्यक्ष राज ठाकरे यांनी भोंग्यावरुन घेतलेल्या भूमिकेमुळे राज्यातील राजकीय वातावरण चांगलंच तापलं आहे. राज ठाकरे यांनी पुण्यातून पुन्हा एकदा 3 मेपर्यंतच्या अल्टिमेटमचा पुनरुच्चार केला आहे. त्यानंतर राजकीय पडसाद उमटताना दिसत असून गृहमंत्री दिलीप वळसे पाटील यांनीही याची दखल घेतली आहे. दिलीप वळसे पाटील यांनी यानंतर पोलीस आयुक्त आणि पोलीस महासंचालकांना महत्वाचे आदेश दिले आहेत. ते मुंबईत माध्यमांशी बोलत होते. फक्त हिंदू नाही तर मुस्लिमांनाही त्रास होत आहे. अनेक वर्ष हा प्रलंबित राहिलेला विषय आहे. तुम्ही जर पाच वेळा भोंगे लावणार असू तर आम्ही मशिदीसमोर हनुमान चालिसा लावू. देशभरातील सर्व देशभक्त हिंदू बांधवांना माझी विनंती आहे की तयारीत राहा. सध्या रमजान सुरु असल्याने काही सांगायचे नाही आहे. पण 3 तारखेपर्यंत यांना समजले नाही आणि देशातील कायद्यापेक्षा, सुप्रीम कोर्टापेक्षा स्वत:चा धर्म, लाऊडस्पीकर मोठे वाटत असतील तर जशास तसे उत्तर देणे गरजेचे आहे, असा इशारा राज ठाकरेंनी दिला आहे.

COMMENTS