उत्तराखंडच्या चार धाम यात्रेला सुरूवात

डेहराडून ः उत्तराखंडच्या चार धाम यात्रेला शुक्रवारपासून सुरुवात झाली आहे. सकाळी 6.55 वाजता केदारनाथचे दरवाजे उघडण्यात आले. हजारो भाविकांसह मुख्यमंत्री पुष्कर सिंह धामी हेही त्यांच्या पत्नीसह दर्शनासाठी पोहोचले. केदारनाथशिवाय गंगोत्री आणि यमुनोत्रीचे दरवाजेही आज उघडणार आहेत. तर बद्रीनाथ मंदिरात 12 मेपासून दर्शनाला सुरुवात होणार आहे. या ठिकाणी दिवसाचे तापमान शून्य ते 3 अंशांवर नोंदवले जात आहे. त्याचवेळी रात्रीचा पारा उणेपर्यंत पोहोचत आहे. असे असतानाही सुमारे 10 हजार भाविक केदारनाथ धामपूर्वी 16 किमी अंतरावरील गौरीकुंडात पोहोचले आहेत.