आदित्य ठाकरेंविरोधात फ्री-वे परिसरात बॅनरबाजी

मुंबई प्रतिनिधी – मराठा युवा सेनेकडून सुप्रिया सुळे आणि आदित्य ठाकरेंविरोधात फ्री-वे परिसरात बॅनरबाजी करण्यात आली. आदित्य ठाकरेंनी महाराष्ट्राला फक्त पेंग्विन देण्याचं काम केल्याची टीका मराठा युवा सेनेने केली आहे. तर एका ताईने कुंडीत वांगी लावून करोडो कमावले, असं म्हणत सुप्रिया सुळेंवर नाव न घेता टीका केली आहे. यावेळी, मराठा युवा सेनेने उद्धव ठाकरे आणि शरद पवारांवरही जोरदार हल्लाबोल केला आहे. बाप काढणं ही आमची संस्कृती नाही पण सुरुवात तुम्ही केली शेवट आम्ही करणार, असा इशाराही देण्यात आला. ५० आमदार एकदम ओके, घरी बसवले माजलेले बोके; असा टोलाही मराठा युवा सेनेच्या अंकुश कदमांनी केली.